31న కృష్ణాజిల్లా షూటింగ్ బాల్ జట్ల ఎంపికలు

విజయవాడ రూరల్ మండలంలోని రామవరప్పాడు లో గల సెయింట్ ఆన్స్ సీబీఎస్సీ పాఠశాలలో 31.07.2024 బుధవారం ఉదయం కృష్ణాజిల్లా షూటింగ్ బాల్ అసోసియేషన్ ఆధ్వర్యంలో సబ్ జూనియర్ బాల,బాలికల జట్ల ఎంపికలు నిర్వహిస్తున్నట్లు కృష్ణాజిల్లా షూటింగ్ బాల్ సంఘ అధ్యక్ష, కార్యదర్శులు అట్లూరి రాజశేఖర్, గోగులమూడి విజయ్ కుమార్ శనివారం ఒక ప్రకటనలో తెలిపారు. ఈ ఎంపికలకు 01.02. 2008 సంవత్సరం తర్వాత పుట్టిన వారు అర్హులని అన్నారు. ఈ ఎంపికలలో పాల్గొనే క్రీడాకారులు ఆధార్ కార్డు జనన ధ్రువీకరణ పత్రాలతో హాజరుకావాలని కోరారు. ఇక్కడ ఎంపికైన విద్యార్థులు కుప్పంలో ఆగస్టు 10వ తేదీ నుండి 11వ తేదీ వరకు జరగబోయే రాష్ట్ర స్థాయి షూటింగ్ బాల్ పోటీలలో జిల్లా జట్టుకి ప్రాతినిధ్యం వహిస్తారని అన్నారు. కావున జిల్లాలో ఆసక్తి గల క్రీడాకారులు ఎవరైనా సరే ఈ పోటీలలో పాల్గొనవచ్చునని తెలిపారు.