ప్రపంచ తల్లిపాల వారోత్సవాలో సర్పంచ్ కాటూరు విజయభాస్కర్

1వ తేదీ నుండి 7 వరకు జరుగనున్న తల్లిపాల వారోత్సవాలను కృష్ణా జిల్లా బాపులపాడు మండలం బొమ్ములూరు గ్రామంలో ఐసిడిఎస్ ఆద్వర్యంలో ఘనంగా నిర్వహిస్తున్నారు. దీనిలో భాగంగా మండలంలోని అన్ని అంగన్వాడి కేంద్రాలలో అవగాహన సదస్సులు, ర్యాలీలు నిర్వహిస్తున్నారు. ఐసిడిఎస్ స్టాఫ్, హెల్త్ స్టాఫ్ పాల్గొని తల్లులకు తల్లిపాలపై అవగాహన కల్పిస్తున్నారు. తల్లిపాల ప్రాముఖ్యత, పౌష్టికాహారం, పరిశుభ్రత, డయేరియా తదితర వాటిపై అవగాహన కార్యక్రమాన్ని చేపడుతున్నారు. ఈ కార్యక్రమంలో బాపులపాడు మండలం బొమ్ములూరు గ్రామాల్లోని అంగన్వాడీ కేంద్రం లో సర్పంచ్ విజయ్ భాస్కర్ కాటూరు పాల్గొనడం జరిగింది. అంగన్వాడీ సిబ్బంది కాట్రు దీనమ్మ, పచిగల్ల మరియమ్మ, గుళ్లపూడి విజయలక్ష్మి, చిమట హేమ నాగిని స్థానిక అంగన్వాడి కార్యకర్తలు, హెల్పర్స్, ఆశ కార్యకర్తలు, ఏఎన్ఎం, సచివాలయ సిబ్బంది, పి.హెచ్.సి వైద్యాధికారులు, వైద్య సిబ్బంది, తల్లులు పాల్గొంటున్నారు.